kaun dastaq dil pe dene aaya hai
yaad hai teri, ya gham ka saaya hai
apni qismat hi raqeeboN jaisee hai
aaj kyuN shikwaa zubaaN pe aaya hai
wo humaare na sahi, hum unkey hai
humne aksar dil ko yuN behlaaya hai
jiski thi chaahat, wo mera na huaa
jo naseeboN meiN likha tha, paaya hai
maan lo jo hai muqaddar meiN likkha
zindagi ne bas ye hi samjhaaya hai
Saturday, November 15, 2008
Subscribe to:
Posts (Atom)
